ಬೆಳಗಲಿ ದೀಪ
ಮನದ ಹಣತೆಯಲಿ
ಮರೆಯಾಗಲಿದೆ ಕಹಿಯೆಂಬ ಕತ್ತಲೆ
ದೀಪಾವಳಿಯ ಬೆಳಕಿನಲಿ
ಚಿಂತೆಯೆಂಬ ಚಿತೆಯನ್ನ ಬದಿಗೊತ್ತಿ
ಚೈತನ್ಯದಿ ಮುನ್ನಡೆಯೋಣ
ಹೊಸ ಬದುಕಿಗೆ ಮುನ್ನುಡಿ ಬರೆಯೋಣ
ದೀಪಾವಳಿಯ ಬೆಳಕಿನಲಿ
ದೀಪ ಬೇಕಾಗಿರುವುದು ಮನಕೆ
ಬಾಳ ದಾರಿಯ ಪಯಣಕೆ
ಬೆಳಗೋಣ ದೀಪವನ್ನ
ದೀಪಾವಳಿಯ ಬೆಳಕಿನಲಿ
ಪಟಾಕಿ, ಸಿಡಿಮದ್ದುಗಳ ಸದ್ದಿನಲಿ
ಕಿವುಡಾಗಿ ಸಾಗಿದೆ ಜೀವನ
ಬೆಳಕಿನಬ್ಬರಕೆ ಕುರುಡಾಗಿದೆ ಕಣ್ಣು
ಹೊಸ ಗಾಳಿ ಬೀಸುತ್ತಾ ?
ದೀಪಾವಳಿಯ ಬೆಳಕಿನಲಿ..!
( ಎಲ್ಲರಿಗೂ ದೀಪಾವಳಿಯ ಶುಭಾಶಯ )
ವಿಷ್ಣು ಹೆಗಡೆ, ಕುಮಟಾ
