ಬಡವ-ಬಲ್ಲಿದನೆಂಬ ಭೇದ ಇಲ್ಲ
ರಾತ್ರಿಯಾದರೆ ಸಾಕು
ಕರೆಯದೆ ಬರುವನು ಮೆಲ್ಲನೆ
ನಿದ್ದೆಯಲಿ ಕಳ್ಳನಂತೆ ಬಂದು
ಬಣ್ಣ ಬಣ್ಣದ ಆಸೆ ಬಿತ್ತುವನು
ಸುಂದರ ಜಗವ ತೋರಿಸಿ
ಸಾವಿರ ಕಾಮನೆಗಳ ಬಿತ್ತಿ
ಬೆಳದಿಂಗಳಲ್ಲಿ ನಕ್ಷತ್ರ ಮಿನುಗಿಸಿ
ಹೃದಯದಲ್ಲಿ ಚಿತ್ತಾರ ಬಿಡಿಸಿ
ಮರೆಯಾಗುವನು
ಭಾವನೆಗಳಿಗೆ ದನಿಯಾಗುವನು
ನನಗಿವನು ನಿತ್ಯ ಸಂಗಾತಿ
ಕರೆಯದೆ ಬರುವ ಅತಿಥಿ
ಮಿಡಿಯುತಿದೆ ಒಂಟಿ ಮನಸು
ಬೇಗ ಬಂದು ಬಿಡು ಕನಸೇ
ನಿನ್ನಾಗಮನಕ್ಕೆ ಚಂದಿರ ಬಂದಿಹನು
ನಕ್ಷತ್ರಗಳೊಂದಿಗೆ
ವಿಷ್ಣು ಹೆಗಡೆ, ಕುಮಟಾ
