ಸಭ್ಯರ ಆಟದಲ್ಲಿ ಅಸಭ್ಯ ವಾಸನೆಯಿಂದಾಗಿ ದಿನಕಳೆದಂತೆ 'ಮಿಲೆನಿಯರ್ ಬೇಬಿ ಐಪಿಎಲ್' ತನ್ನ ಜನಪ್ರಿಯತೆ ಕಳೆದುಕೊಳ್ಳುತ್ತಿದೆ.. ಇದ್ಕೆ ತಾಜಾ ಉದಾಹರಣೆ ಐಪಿಎಲ್ 5ನೇ ಸೀಸನ್.. ಮ್ಯಾಚ್ ಫಿಕ್ಸಿಂಗ್, ಪುಂಡ `ಪೋಮರನ' ಅತ್ಯಾಚಾರ ಆಟ, ಪುಣೆ ಆಟಗಾರರ ರೇವ್ ಪಾರ್ಟಿ ರಂಪಾಟ, ವಾಂಖೇಡೆಯಲ್ಲಿ 'ಡಾನ್' ದಾದಾಗಿರಿ.. ಹೀಗೆ ಈ ವಿವಾದಗಳ ಸರಮಾಲೆ ಕ್ರಿಕೆಟ್ ಹೆಸರಿಗೆ ಕೆಸರೆರಚಿವೆ. ಹೀಗಾಗಿ ಕೆಲ ಅಭಿಮಾನಿಗಳು ಫುಟ್ಬಾಲ್ ಕಡೆ ವಲಸೆ ಹೋಗಿದ್ದಾರೆ. ರೋಗಿ ಬಯಸಿದ್ದು ಹಾಲು ಹಣ್ಣು, ವೈದ್ಯರು ಹೇಳಿದ್ದು ಹಾಲು ಹಣ್ಣು ಎಂಬತೆ ಈಗ 'ಯುರೋಕಪ್ ಫುಟ್ಬಾಲ್' ಹಬ್ಬ. 16 ಯುರೋಪಿನ್ ದೇಶಗಳ ನಡುವೆ ನಡೆಯುವ ಈ ಚಾಂಪಿಯನ್ ಶಿಪ್, ಕ್ರಿಕೆಟ್ ನ್ನ ಮೀರಿಸುವ ರೋಚಕತೆ ಕೊಡುತ್ತಿದೆ. ಒಂದೂವರೆ ಗಂಟೆಗಳ ಕಾಲ 22 ಆಟಗಾರರು, ಕಾಲ್ಚಳಕ ತೋರುತ್ತಾ, ಜಾಣ್ಮೆ, ಚುರುಕು, ಹೊಂದಾಣಿಕೆಯೊಂದಿಗೆ ಪ್ರದರ್ಶನ ನೀಡುವುದೇ ಒಂದು ರೋಮಾಂಚನ ಅನುಭವ. ಆಟಗಾರರ ಕಾಲಿಗೆ ಸಿಕ್ಕ ಕಾಲ್ಚೆಂಡಿನ ಓಟ-ಹಾರಾಟವನ್ನ ನೋಡುತ್ತಿದ್ದಂತೆ ನೋಡುಗರಿಗೂ ಎದ್ದೆದ್ದು ಕುಣಿಯುವ ಮನಸ್ಸು. ಆಟದ ನಿಯಮ ಗೊತ್ತಿಲ್ಲದಿದ್ರು ಆಕರ್ಷಿಸುವ ಆಟವಿದು.. ಗೋಲ್ ಆದಾಗ, ಗೋಲ್ ಕೀಪರ್ ಗೋಲ್ ತಡೆದಾಗಿನ ರೋಚಕತೆಯೇ ಬೇರೆ..
ಇನ್ನು ಗ್ಲಾಮರ್ ವಿಷ್ಯಕ್ಕೆ ಬಂದ್ರೆ ಐಪಿಎಲ್ ಗಿಂತ ಒಂದು ಕೈ ಮೇಲೆ ಯುರೋಕಪ್.. ಇಡೀ ಕ್ರೀಡಾಂಗಣದ ತುಂಬಾಲ್ಲಾ ಅಭಿಮಾನಿಗಳ ಭಿನ್ನ-ವಿಭಿನ್ನ ಡ್ರೆಸ್ ಗಳು, ಚಿತ್ರ-ವಿಚಿತ್ರ ಭಂಗಿಗಳು, ಬಣ್ಣ-ಬಣ್ಣದ ಪ್ಲಾಗ್ ಗಳು.. ಹಾಗ್ ನೋಡಿದ್ರೆ, ಫುಟ್ಬಾಲ್ ಅಭಿಮಾನಿಗಳು ತುಂಬಾನೇ ಡಿಫರೆಂಟ್.. ಗೌರಮ್ಮನ ತರ ಡ್ರೆಸ್ ತೊಟ್ಟು ಮೈದಾನಕ್ಕೆ ಬರೋದಿಲ್ಲ.. ಅರೆನಗ್ನ ಬಟ್ಟೆ ತೊಟ್ಟು, ಮೈಗೆಲ್ಲಾ ಪೇಂಟ್ ಬಡಿದುಕೊಂಡು ಸ್ಟೇಡಿಯಂಗೆ ಬರ್ತಾರೆ.. ಆಟ ನೋಡಲು ಬಂದ ಸಭ್ಯ ಅಭಿಮಾನಿಗಳಿಗೂ ಇವರ ಮೈಮಾಟ ನೋಡಲೇ ಬೇಕಾದ ಸ್ಥಿತಿ ಬಂದಿದೆ. ಆದ್ರು, ಇವರ ಫುಟ್ಬಾಲ್ ಪ್ರೀತಿಯನ್ನ , ಚಿಯರ್ ಮಾಡುವ ರೀತಿಯನ್ನ ಮೆಚ್ಚಲೇಬೇಕು..
ವಿಷ್ಣು ಹೆಗಡೆ, ಕುಮಟಾ
